education for everyone
ဒီနေ့ Titanium Mobile SDK အသစ်မှာ Android အတွက် font embed ပါလာပါပြီ။ ဒါကြောင့် Titanium ကို အသုံးပြုပြီး မြန်မာ စာ အသုံးပြုတဲ့ iphone, android app တွေ ရေးလို့ရပါပြီ။ အရင် version တုန်းကတော့ iPhone တစ်ခုတည်းမှာ ရခဲ့ပေမယ့် အခု version မှာတော့ Android အတွက်ပါ ရလာပါပြီ။
Titanium မှာ project အသစ် တစ်ခု ဆောက်လိုက်ပါ။
Unicode အသုံးပြုပုံနဲ့ ပတ်သက်ပြီး ထည့်သွင်းရေးသားထားပါတယ်။ မရှင်းတာ နားမလည်တာတွေကို comment မှာ မေးနိုင်ပါတယ်။ သို့မဟုတ် user.mysteryzillion.org မှာ လည်း မေးနိုင်ပါတယ်။
iBook need 1.2 or later for font embed.
Mobile app development နဲ့ ပတ်သက်ပြီး အခြေခံ အဆင်လေးကို presentation လေးလုပ်ထားတာပါ။ MZ ပွဲမှာ ပြမလို့ စဉ်းစားထားပေမယ့် အသံ quality သိပ်မကောင်းတာကြောင့် ပြဖြစ်မယ် မထင်ပါဘူး။ အခုမှ mobile app ကို လုပ်ချင်တဲ့ လူတွေအတွက်တော့ အသုံးဝင်မယ့် video ဖြစ်မယ်လို့ ထင်ပါတယ်။
Freelance လုပ်တဲ့ အခါမှာ ကျွန်တော်တို့တွေအတွက် စျေးသက်သက်သာသာ ဒါမှမဟုတ် free ရမယ့် service လေးတွေ လိုအပ်ပါတယ်။ Client အနေနဲ့လည်း ကိုယ်ဘာတွေ ပြီးသွားပြီ ဘာတွေလုပ်ဖို့ ကျန်သေးလဲဆိုတာကို တစ်ခါတည်း သိရှိနိုင်ဖို့လိုပါတယ်။ ကျွန်တော် အကြိုက်ဆုံး tool ၄ ခုကို ဖော်ပြလိုက်ပါတယ်။
Freelance လုပ်တဲ့အခါမှာ အရေးကြီးဆုံး အပိုင်းကတော့ Project Management ပါ။ Client ဘာလိုလဲ။ ကိုယ်ရဲ့ milestone တွေ စတာတွေ အပြင် discussion တွေပါ အစ ပါဝင်ပါတယ်။ basecamp ကို သုံးဖူးတဲ့သူတွေအနေနဲ့ free ရမယ့် basecamp လိုမျိုး project management ကို ရှာနေရင်တော့ freedcamp က အကောင်းဆုံးပါပဲ။ နောက်ပြီး freedcamp က အမြဲတန်း free ပေးမယ်လို့ ကြေငြာထားပါတယ်။ အလွယ်အကူဆုံး အရိုးအရှင်းဆုံးနဲ့ ထိရောက်မှုရှိတဲ့ project management website တစ်ခုပါ။
အပိုင်း ၁ ကို ဒီမှာ ပြန်ဖတ်နိုင်ပါတယ်။
တချို့ ကိစ္စတွေမှာ ရိုးရိုးလေးနဲ့ အရှည်ကြီး ရေးရမယ့် coding နဲ့ သင့်ရဲ့ trick နဲ့ တိုတို လေး ရေးလိုက်လို့ရတာတွေ ရှိပါတယ်။ လူတိုင်း နီးပါးကတော့ ကိုယ်ပိုင် trick လေး သုံးပြီးရေးလိုက်ချင်တာပဲ။ သို့ပေမယ့် သင့် code က ပြန်ဖတ်တဲ့ အခါမှာ အရမ်းကို ရှုပ်ထွေးလွန်းနေပြီး သင်တစ်ယောက်တည်းသာ နားလည်နိုင်တယ်ဆိုရင်တော့ သင်ဟာ Developer ကောင်း ပီသတဲ့ သူမဟုတ်တော့ဘူး။ လူတိုင်းက သင့်လို မတော်ပါဘူး။ သင်ရေးတဲ့ code က သင့်တစ်ယောက်တည်း အတွက်ဆိုရင် ကိစ္စမရှိပေမယ့် နောင်တချိန် အခြားလူတစ်ယောက်က ပြန်ပြင်ရမယ်ဆိုရင်တော့ မသုံးသင့်ဘူးပေါ့။ ပြန်ပြင်တဲ့လူက သင့် code ကို လုံးဝ နားမလည်ဘူး သို့မဟုတ် သင့်လောက် မတတ်ဘူး မတော်ဘူးဆိုရင်တော့ သင့်ကို ပြန်မေးတာတွေကို သင်ပြန်ဖြေနေရလိမ့်မယ်။ လူတိုင်းက သင့်လောက် မတော်ပါဘူး။ ဒါကြောင့် ရိုးရှင်းပါ။
Continue reading “PHP Developer ကောင်း မပီသခြင်း Part II”
PHP ကို တတ်ကျွမ်းနားလည်ပြီး ကောင်းကောင်းမွန်မွန်ရေးတတ်ရုံနဲ့ တကယ်တော်တဲ့ PHP Developer အနေနဲ့ မသတ်မှတ်နိုင်ပါဘူး။ code တွေ လန်ပျံနေအောင် ရေးတတ်ပါစေ အချို့ အချက်တွေက Developer ကောင်းလို့ သတ်မှတ်ခြင်း မခံရစေပါဘူး။ ဘာအချက်တွေက သတ်မှတ်လို့မရဘူးလဲ။
Coding တစ်ခု စရေးတော့မယ်ပဲ ဖြစ်ဖြစ် project တစ်ခု စရေးတော့မယ်ဖြစ်ဖြစ် ဘာတွေ လုပ်မလဲ။ ဘယ်အဆင့်တွေကို ရေးမလဲဆိုတာကို ကြိုတင် list မလုပ်ထားဘူး။ လက်တန်း ချရေးနိုင်လို့ လက်တန်း ချရေးမယ်ဆိုရင်တော့ အဲဒီလူက တကယ်တော်တဲ့ PHP Developer မဟုတ်တော့ပါဘူး။ Developer ကောင်းတွေက မရေးခင်မှာ ဘာတွေ ပါမလဲဆိုတာကို အရင်စဉ်းစားထားပါတယ်။ UML မဆွဲဖြစ်ချင်ရင်တောင် Todo list ကို အနည်းဆုံးတော့ ပြင်ထားပါတယ်။ အချို့ Developer ကောင်းတွေက အရင်ဆုံး comment တွေ တောင် ကြိုပြီးရေးထားတတ်သေးတယ်။
<?php
// Include necessary data
// Initialize the database connection
// Include common header
// Determine the page variables from the POST data
// Load the proper database info with page variable
// Loop rows
// Image Display
// Create Image Link
// Format the entry display
// Add formatted entry to entry array
// Collapse the entry array
// Output the entries
// Include common Footer
?>
ဒါကတော့ ဥပမာ အနေနဲ့ ပြထားတာပါ။ ဘာ code မှ စမရေးခင် Pseudo သဘောမျိုး comment တွေ စဉ်းစားပြီး ရေးသွားတာပါ။ ကိုယ်တိုင် အဲဒီ class သို့မဟုတ် Library ကို မရေးဖြစ်ရင်တောင် ကိုယ့် colleague ( လုပ်ဖော် ကိုင်ဖက်) က ဘာတွေ ရေးရမလဲဆိုတာကို နားလည်ပြီး သူရေးနိုင်ပါတယ်။
Comment ရေးတယ်ဆိုတာ အပြောလွယ်သလောက် အလုပ်ရှုပ်တယ်ဆိုတာ မှန်ပါတယ်။ အများအားဖြင့် Rapid Developer တွေက comment ရေးရမှာ ပျင်းတတ်ကြတယ်။ Developer ကောင်း တစ်ယောက် အနေနဲ့ဆိုရင်တော့ comment က လိုအပ်ရင် ရေးထားသင့်ပါတယ်။
if(is_array($data_array))
{
extract($data_array);
}
require(SITE_PATH."/application/View/".$view.".php");
က ကြည့်လိုက်ရင် သိပေမယ့် extract ကို ဘာလုပ်ဖို့ သုံးထားတာလဲ ဆိုတာ ရုတ်တရက် နားလည်ရခက်နေပါတယ်။
// extract for view variable
// $data_array['foo']='boo' to $foo='boo'
if(is_array($data_array))
{
extract($data_array);
}
//load view
require(SITE_PATH."/application/View/".$view.".php");
ဒီလိုမျိုးလေး ရေးထားလိုက်ရင်တော့ extract manual ကို သီးသန့် သွားရှာဖတ်နေမယ့် အစား အလွယ်တကူ နားလည် သဘောပေါက်သွားနိုင်ပါတယ်။ မြန်မြန် ပြီးဖို့ အဓိက ဆိုပြီး comment တွေ မရေးသွားရင်တော့ နောက်တချိန် code တွေကို ပြန်ပြင်တဲ့အခါမှာ မှတ်မိတော့မှာ မဟုတ်တော့ပါဘူး။
Code လိုင်းတိုဖို့ condition က bracket တွေကို ဖြုတ်ချထားတာတွေကို တွေ့ဘူးတယ်။ code line က တိုသွားတယ်။ ရှင်းတယ်။ သို့ပေမယ့် ပြန်ဖတ်တဲ့သူအတွက်ကတော့ ရှုပ်သွားတယ်။
$foo = 8;
if( $foo<10 )
if( $foo>5 )
echo "Greater than 5!";
else
echo "Less than 5!";
else
echo "Greater than 10!";
echo "<br />Another note.";
ဒီ code မှာဆိုရင် အောက်ဆုံး အကြောင်းက Loop ထဲပါတာလည်း မပါဘူးလားဆိုတာကို နားလည်မှုလွဲသွားနိုင်သလို ရှုပ်လည်း ရှုပ်သွားစေတယ်။ နောက်ပြီး if တွေက အဆင့်ဆင့် ပါတော့ ဘယ်အဆင့်က ဘာလဲဆိုတာကို နားလည်ဖို့ နည်းနည်း ခက်သွားပါတယ်။ ဒါကြောင့် {} တွေ ထည့်ခြင်းက အစ နဲ့ အဆုံးကို နားလည် စေတယ်။ code line အရေအတွက် များသွားပေမယ့် ပိုပြီး ရှင်းလင်းပါတယ်။
$foo = 8;
if( $foo<10 )
{
if( $foo>5 )
{
echo "Greater than 5!";
}
else
{
echo "Less than 5!";
}
}
else
{
echo "Greater than 10!";
}
echo "<br />Another note.";
Coding Standard လို့ ဆိုလိုက်ရင် အခုမှ စလေ့လာက လူတွေက ဘာမှန်း မသိ။ နည်းနည်း ကြောင်သွားတတ်ပါတယ်။ လက်ရှိ လူသုံးများတဲ့ standard ကတော့ မူရင်း pearl ရဲ့ coding standard ပါပဲ။ Coding standard အတိုင်း မရေးတော့ code တွေက တစ်နေရာမှာ တစ်မျိုးဖြစ်နေတယ်။ နောက်ပြီး {} သုံးတဲ့အခါ သုံးတယ်။ မသုံးတဲ့အခါမသုံးဘူး။ short code တွေကို သုံးရင် သုံးမယ်။ မသုံးတဲ့ အခါမသုံးတာတွေ ဖြစ်တတ်ပါတယ်။
ဒါကတော့ ထွေထွေ ထူးထူး ပြောစရာလိုမယ် မထင်ပါဘူး။ code တွေကို ပြန်ပြန်ရေးတာပဲဖြစ်ဖြစ် ပြန်ပြန် သုံးနေရင်ပဲ ဖြစ်ဖြစ် ကောင်းမွန်တဲ့ အရာမဟုတ်ပါဘူး။ function ခွဲရေးတာ ဖြစ်ဖြစ် class ခွဲရေးဖို့ ဖြစ်ဖြစ် စဉ်းစားသင့်ပါတယ်။
သာမာန် ရိုးရိုး coding ဆိုရင်တော့ Design Pattern က မလိုအပ်ပါဘူး။ Web application တစ်ခုလုံးကို ရေးမယ်ဆိုရင်တော့ Development Pattern က အရေးပါလာပါပြီ။ MVC ကို မဖြစ်မနေ ရေးရမယ်လို့ ဆိုလိုတာမဟုတ်ပါဘူး။ MVC လိုမျိုး pattern ကို အသုံးပြုမယ်ဆိုရင်တော့ web development မှာ အများကြီး လွယ်ကူသွားစေပါတယ်။ Design Pattern တွေ MVC တွေ သိဖို့ မလိုပါဘူး။ အလုပ်ဖြစ်ဖို့ လိုတယ် ဆိုပြီး php code တွေကြီးပဲ ရေးနေရင်တောင် သင်ဟာ Developer ကောင်း တစ်ယောက် မဟုတ်သေးပါဘူး။
ဆက်ပါအုံးမည်….
အပိုင်း ၁ ကို ဒီမှာ ဖတ်ရှုနိုင်ပါတယ်။
Coding တွေရေးတဲ့အခါမှာ ထပ်ခါထပ်ခါ ပြန်သုံးနေရတာတွေ ရှိပါတယ်။ ဥပမာ။ File read / write လိုမျိုး ၊ ဒါမှမဟုတ် mysql connect ချိတ်တာမျိုးတွေပေါ့။ အဲလိုမျိုး code တွေကို ပြန်စဉ်းစား ပြန်ရေးနေမယ့်အစား အသုံးဝင်မယ့် code အပိုင်းတွေကို သိမ်းထားသင့်ပါတယ်။ အသုံးဝင်တဲ့ App တွေကတော့ Snippet, snippely, Code Collector စတာတွေပေါ့။ Snippely က လွဲလို့ ကျန်တာတွေက Mac app တွေပါ။ Snippely တစ်ခုပဲ free ရပါတယ်။ Windows, Mac , Linux အားလုံးအတွက် jcodecollector ရှိပါတယ်။
Continue reading “PHP Developer တွေအတွက် အသုံးဝင်မယ့် အချက် ၁၀ ချက် – အပိုင်း ၂”
PHP ဟာ လူသုံးများတဲ့ web development language တစ်ခုပါ။ 20 millions domain လောက်က PHP ကို အသုံးပြုထားပြီး wikipedia, facebook စတဲ့ နာမည်ကြီး site တွေအပြင် WordPress , Drupal , Joomla စတာတွေကလည်း PHP နဲ့ ရေးသားထားတာပါ။ အခု ဆောင်းပါးမှာတော့ PHP Developer တွေ ပိုအကျိုးရှိစေမယ့် အချက် ၁၀ ချက်ကို ဖော်ပြပေးသွားပါမယ်။
Continue reading “PHP Developer တွေအတွက် အသုံးဝင်မယ့် အချက် ၁၀ ချက်”
MRT ပေါ်မှာ ထိုင်ခုံနေရာ ရလို့ ထိုင်ရင်း programming စသင်ခဲ့တဲ့ အချိန်ကို စဉ်းစားမိတယ်။ တစ်ခါတည်း ကို စိုးမင်းရဲ့ ၁၀ နှစ် ဆိုတဲ့ ဆောင်းပါး ကိုလည်း သတိရမိတယ်။ လွန်ခဲ့တဲ့ ၃ နှစ်လောက်က ဘာ langauge အသုံးပြုလဲလို့ မေးလိုက်ရင် ဖြေစရာတွေက အများကြီး။ အစုံပဲ။ အခုအချိန်မှာ မေးရင်တော့ ၂ မျိုးပဲ ရှိတယ်။ PHP နဲ့ objective-c ။ အခုအချိန်မှာ အဲလို ရဲရဲ ဝင့်ဝင့် ပြောရဲသွားပြီ။ Programming ကို စ လုပ်ခဲ့တာကတော့ VB ဆိုတာထက် Pseudo လို့ ဆိုရမယ်။ ဗိုလ်တထောင် ကောလိပ်မှာ diploma တက်တုန်းက VB မသုံးခင် Pseudo နဲ့တင် ၁ လ လောက် ကြာသွားတယ်။ Pseudo code ကနေ စခဲ့တယ်လို့ ဆိုရမယ်။
ဘာ language ရလဲလို့ မေးလိုက်ရင် စုံနေနတာပဲ။ C#, Java , VB , Flash တစ်ယောက်ကို အနည်းဆုံး ၃ ခု ၄ ခုလောက်တော့ တတ်ကြတယ်။ အဲလို တတ်တာကိုပဲ ဂုဏ်ယူနေကြသလိုပဲ။ ကျွန်တော့် တုန်းကလည်း သင်တန်းတွေတက်ဖြစ်သလို language တွေကလည်း တော်တော်စုံတယ်။ ကျောင်းမပြီးခင်မှာပဲ Java, C#, VB ကို သင်တန်းတွေ တက်လို့ တတ်နေပြီ။ သင်တန်း မတက်ပဲနဲ့ လေ့လာဖြစ်တာက javascript , html, css ။ အဲဒါလေးတွေက basic လေးတွေပါ။ သင်တန်းလည်း တက်စရာမလိုပဲ လွယ်လွယ်ကူကူ တတ်နိုင်တဲ့ အရာလေးတွေပါ။ သေသေချာချာ ကိုယ့်ဘာသာ ကိုယ် လေ့လာဖြစ်တာက Action script ပဲ။ Action script ကို Flash မှာပါတဲ့ Help file လေးကနေ လေ့လာဖြစ်တာ။ အဲတုန်းက Flash MX ပဲ ရှိသေးတယ်နဲ့တူတယ်။ Version 7 နဲ့ တူတယ်။ Internet လည်း မရှိပေမယ့် offline help file လေးကနေ လေ့လာဖြစ်တယ်။ ဒါကြောင့် အဲတုန်းက ဘာ language တက်လဲဆိုရင် ပြောစရာတွေက အများကြီး ဖြစ်နေတယ်။ ဒါတောင် ကျောင်းမှာ C++ သင်ပေမယ့် အဲဒီတုန်းက စိတ်မဝင်စားလို့ တတ်လို့ ထည့်မပြောတော့ဘူး။
glite ကို စလုပ်ရင်းနဲ့ PHP ကို စရင်းနှီးလာတယ်။ 2007 က စပြီး လေ့လာဖြစ်တယ်လို့ ဆိုရမယ်။ လေ့လာရင်းနဲ့ သဘောကျလာပြီး လက်ရှိ ပြိုင်တူ လေ့လာနေတဲ့ .NET , Java , Flash အကုန်လုံးကို စွန့်ပြီး PHP မှ PHP ကို စလေ့လာတာပဲ။ PHP အတွက် BC မှာ မရှိဘူး။ ဒါကြောင့် ကိုယ့်ဘာသာကိုယ် စာအုပ်ဝယ်ဖို့ ရှာတော့ စာအုပ်ဆိုင်မှာ Visual Qucik Pro က ထုတ်တဲ့ PHP , MySQL စာအုပ်ကို တွေ့တယ်။ ပထမဆုံးတွေ့မိတာက City Mart မှာ။ စျေးကြည့်လိုက်တော့ ၅၀၀၀ လားမသိဘူး။ ကိုယ့်ရတဲ့ မုန့်ဖိုးက ၁ နေ့ ၁ ထောင်တောင် ရှိတာမဟုတ်ဘူး။ ကျောင်းကိုလည်း ထမင်းဘူးပဲ ထည့်ပေးတော့ မုန့်ဖိုး မရတဲ့ ရက်တွေက များတယ်။ အဲဒီ စာအုပ်လေး ဝယ်ချင်လို့ တော်တော်စုလိုက်ရတယ်။ စာအုပ်ရပြီး အဲဒီ စာအုပ်အတိုင်းပဲ အဓိက ထားလေ့လာတာပဲ။ နောက်တော့ သူငယ်ချင်းတစ်ယောက်ကို ငှားလိုက်တာ ပြန်ကို မရတော့တဲ့ စာအုပ်တွေထဲမှာ အဲဒီ စာအုပ်လည်း ပါတယ်။
PHP ကို စလေ့လာကတည်းက တခြားဟာတွေ တစ်ခုမှ မလေ့လာတော့ဘူး။ Windows Application မရေးတော့ဘူး။ Web App ပဲ ရေးတော့မယ် ဆိုပြီး ဆုံးဖြတ်လိုက်တယ်။ အဲလိုမျိုး ဆုံးဖြတ်ပြီး တစ်ခုတည်း လေ့လာခြင်းက သင်တန်းတွေ တက် အများကြီးလေ့လာတာထက် ပိုသာတယ်။ ကိုယ့်ဘာသာကိုယ် စာဖတ်။ စမ်းလိုက်။ error တက်ရင် ပြန်ရှင်းလိုက်နဲ့။ မေးဖို့လူကလည်း များများစားစားမရှိ။ စာအုပ်ကိုပဲ အားကိုးပြီး လေ့လာခဲ့ရတယ်။
PHP လေ့လာတာဟာ အခု အချိန်မှာဆို ၄ နှစ်လောက်ရှိသွားပြီ။ Programming ကိုလေ့လာတာကတော့ ၈ နှစ်လောက် ရှိသွားပြီ။ ၈ နှစ်ရဲ့ ပထမဆုံး ၂ နှစ်လောက်ကတော့ VB 6 နဲ့ပဲ ရေးခဲ့တယ်။ ပထမဆုံး စရေးတာကလည်း မဟာဘုတ် Application ကို VB6 နဲ့ ရေးပြီး သူငယ်ချင်းတွေကို soruce code ပါ ပေးလိုက်တာပဲ။ ကျန်တဲ့ ၂ နှစ်ကတော့ Flash , VB.NET , C#.NET , Java ကို လေ့လာဖြစ်တယ်။ Java ကို လုံးဝ စွန့်လွှတ်လိုက်သလို တော်ပြီ မလေ့လာတော့ဘူး။ ငါနဲ့ မဖြစ်ဘူးဆိုပြီး တစ်ခါတည်းကို ဆုံးဖြတ်ချက်ချလိုက်တဲ့ language လို့လည်း ဆိုလို့ရတယ်။
အခုအချိန်မှာ PHP နဲ့ web app တစ်ခုရေး ဆိုရင် ရေးနိုင်တယ်လို့ ပြောရဲတယ်။ တကယ်လို အပ်တာက Language များများ တတ်ဖို့ မဟုတ်ဘူး။ တစ်ခုတည်းကို သေသေချာချာ သိဖို့နဲ့ တကယ်ရေးတတ်ဖို့ပဲ။ PHP လို့ ဆိုလိုက်တာနဲ့ HTML , CSS , javascript , jquery စတာတွေက အလိုလို တွဲပါလာသင့်တာ။ Web လိုင်းမှာ အဲဒါတွေ ပစ်ပယ်ပြီးတော့ သွားလို့ မရဘူး။ PHP တတ်တယ်။ HTML နဲ့ CSS မတတ်ဘူး။ ဒါမှမဟုတ် javascript မတတ်ဘူးလို့ ပြောတဲ့သူတွေကို တွေ့ဖူးတယ်။ သေချာတယ်။ သူ အိယောင်ဝါး လုပ်နေတာပဲ ဖြစ်မယ်လို့ ဆုံးဖြတ်ချက်ချလို့ရတယ်။ HTML , CSS , javascript စတာတွေက PHP နဲ့ ယှဉ်ရင် တကယ့် minor learning လေးတွေ။ အဲဒီ အခြေခံအဆင့် မရှိပဲနဲ့ PHP ကို လေ့လာတာဟာ မဖြစ်သင့်ဘူး။ လက်တွေ့ ရေးဆိုရင် မရေးနိုင်တာတွေ အများကြီးပဲ။ ASP.NET သမားတွေ CSS တောင် မပြင်တတ်တာ တွေ့ဖူးတယ်။ ဘာလုပ်နေလဲဆိုရင် ASP.NET လို့ ဖြေပြီး CSS ကော ရလားလို့ မေးရင် ဘာကြီးလဲဟင်လို့ ပြန်မေးတာတွေလည်း တွေ့ဖူးပါတယ်။
ကျွန်တော် ပြောတဲ့ တစ်ခု ဆို လုံလောက်ပြီ ဆိုတဲ့ အထဲမှာ တစ်ခုက Langauge တစ်ခုကို ပြောတာမဟုတ်ဘူး။ Language တစ်ခု အပြင် သူနဲ့ ဆက်စပ်တာတွေပါ ပါတယ်။ Web app ရေးရင် HTML , CSS , javascript တတ်ထားရမယ်။ javascript အပြင် jquery ပါ တတ်ထားရင် ပိုကောင်းတယ်။ အဲဒါတွေ မတတ်ပဲ web application တွေ ရေးနေတယ်ဆိုရင်တော့ ဘယ်လိုမှ quality ကောင်းလာမှာမဟုတ်ဘူး။
PHP in 24 hour တို့ လို စာအုပ်မျိုးကို ကြည့်မိရင် ရယ်ချင်တဲ့ အထဲမှာပါတယ်။ HTML in 24 hour က လက်ခံလို့ရတယ်။ HTML + CSS in 24 hour ဆိုတဲ့ အထိ လက်ခံလို့ရတယ်။ Programming langauge ကို 24 hour ဆိုတာကတော့ မဖြစ်နိုင်ဘူး။ SAMS က ထုတ်တဲ့ စာအုပ်တော်တော်များများ ဖတ်ပြီး ကြီးပြင်းခဲ့ရတာပဲ။ စာတွေက တကယ်ကောင်းတယ်။ ခေါင်းစဉ်ကသာ လူရယ်ချင်စရာ ဖြစ်နေတာ။ ငယ်ငယ်တုန်းက ဟာ.. ငါ တော်တော် နှေးပါလား။ 24 hour စာအုပ်ကို ဖတ်နေတာ ၂၄ နာရီ မကတော့ဘူးလို့ ထင်မိသေးတယ်။ ခေါင်းစဉ်ကသာ 24 hour ။ လက်တွေ့စာတွေက အနည်းဆုံး ၃ နှစ်လောက် လေ့လာမှ သိတယ် ဆိုရုံလောက်ပဲ။ ကိုယ်ပိုင် PHP Framework ကို စမ်းပြီး ဆောက်ဖြစ်ခဲ့တာ မကြာသေးဘူး။ MZ User ကိုလည်း အဲဒီ framework နဲ့ပဲ ရေးထားခဲ့တာ။ ၄ နှစ်လောက် လေ့လာပြီးတဲ့အခါမှ နည်းနည်း တီးမိ ခေါက်မိလာတာ။ ရေးနိုင်တယ်လို့ ပြောရဲ ဆိုရဲ ရှိလာတာ။ ဒါကြောင့် သင်တန်းတွေ တက်ပြီး ၃ လ လောက်နဲ့ ငါ တတ်ပြီလို့ ပြောလို့မရဘူး။ သင်တန်းတွေ ကြော်ငြာက SAMS စာအုပ် ခေါင်းစဉ်တွေလိုပဲ။ စာသင်တာ ကောင်းနိုင်ပေမယ့် သင်တန်းပြီးတာနဲ့ တတ်ပြီဆိုတာကတော့ မဟုတ်ဘူးဆိုတာ သေချာတယ်။
Project တစ်ခုလောက် ရေးတတ်သွားမယ်။ နည်းနည်းပါးပါး သိလာမယ်။ ငါလိုချင်တာတွေက ဒါတွေ ဒါတွေ ပါတယ်။ ဒါတွေ ဒါတွေ လိုချင်တယ်။ အချိန်ကတော့ ဒီလောက်ပဲ ရမယ်။ ဖြစ်နိုင်လား လို့ မေးတဲ့ မေးခွန်းမျိုးတွေ ပြန်ဖြေနိုင်ဖို့ မလွယ်သေးဘူး။ Experience နဲ့ ဆိုင်သလို ကိုယ့် အကြောင်း ကိုယ်သိဖို့လည်း လိုတယ်။ တော်တော်များများက ကိုယ့်အကြောင်း ကိုယ်မသိကြဘူး။ ကိုယ်ဘယ်လောက် ထိ လုပ်နိုုင်တယ်ဆိုတာကို မသိကြဘူး။ အချို့တွေက ကိုယ့်ရဲ့ limit ကို လျော့တွက်ထားကြတယ်။ လုပ်နိုင်တဲ့ စွမ်းအင်ရှိတယ်။ ဉာဏ်ရယ်ရှိတယ်။ ငါမလုပ်နိုင်ပါဘူးလေ ဆိုပြီး ဝိရီယ ကို လျော့ချထားတယ်။ အချို့တွေကလည်း ရှိတာထက် ပိုပြီး များများစားတွက် ကြတယ်။ အဲဒီတော့ deadline မမှီတာတွေ ဖြစ်လာကော။ စိတ်ဖိစီးမှုတွေ များလာပြီး အဆင်မပြေတာတွေ ဖြစ်လာတယ်။ ဒါကြောင့် ကိုယ့် limit ကို ကိုယ် ကောင်းကောင်းသိဖို့ တကယ်ကို လိုအပ်တယ်။ သင်တန်းပြီးသွားတဲ့ သူတစ်ယောက်အနေနဲ့လည်း ကိုယ့်ရဲ့ limit ဘယ်လောက်ထိ ရှိလဲဆိုတာကို ကိုယ့်ဘာသာကိုယ် သုံးသပ်နိုင်ဖို့လိုတယ်။ လူကြီးတွေ တွေးသလို သင်တန်းဆင်းတာနဲ့ အကုန်တတ်ပြီလို့ ထင်ရင်တော့ မှားသွားမှာ အမှန်ပဲ။
တကယ်တတ်လာဖို့ အချိန်ဆိုတာထက် Experience လိုတယ်။ ငါ ၃ နှစ်လောက်ရှိပြီ PHP လေ့လာနေတာ။ ဒါပေမယ့် မတတ်သေးပါဘူးကွာဆိုရင်တော့ project တွေ ကောင်းကောင်းမလုပ်ခဲ့ရဘူးလို့ပဲ။ လေ့လာတဲ့ အချိန်ဆိုတာထက် လုပ်ခဲ့ရတဲ့ Project Experience က ကိုယ့်ရဲ့ limit တွေကို တိုးမြှင့်ပေးတယ်။ Knowledge တွေ တိုးတက်လာတယ်။
အချိန်ဆိုတာထက် Experience ရဖို့လိုတယ်။ အလုပ်မှ မဝင်ရသေးတာ။ ဘယ်လိုလုပ် Experience ရှိမှာလဲလို့ ဖြေတာတွေလည်း ကြားဘူးတယ်။ ကိုယ့်ဘာသာကိုယ် project လေး တစ်ခု ပြီးအောင် ဖန်တီးဘူးလား လို့ မေးလိုက်ရင် ဟင်အင်းပဲ။ ကိုယ့်ဘာသာ project အသေးလေး တစ်ခု timeline ချ။ deadline တွေ ချပြီး ရေးကြည့်ပါလား လို့ပဲ အကြံပေးချင်တယ်။ တော်တော်များများက ကိုယ့်ဘာသာကိုယ် ချထားတဲ့ deadline အတွင်းတောင် မလုပ်နိုင်ကြဘူး။ နောက်ပြီး ရေးနေရင်းမှာ အကြောင်းပြချက်တွေနဲ့ ဆက်မလုပ်တာတွေ ဖြစ်လာတယ်။ အိမ်က ဟိုဟာခိုင်းလို့။ လုပ်စရာလေးတွေ ရှိသေးလို့ မလုပ်ဖြစ်ဘူး။ အဲဒါနဲ့ ကိုယ့်ဘာသာကိုယ် သတ်မှတ်ထားတဲ့ deadline နဲ့ project ကိုတောင် ပြီးဆုံးအောင်မြင်အောင် မလုပ်နိုင်ကြတာ များတယ်။ တနည်းပြောရင် လုပ်ချင်စိတ် မရှိဘူး။ လေ့လာချင်စိတ် မရှိဘူး။ သူများယောင်လို့ လိုက်ယောင် သလို ဖြစ်နေတယ်။ သူများပြောလို့ လိုက်လုပ်သလို ဖြစ်နေတယ်။ အများစုကတော့ အလုပ်ထဲရောက်ရင် တကယ်လုပ်မှာပါဆိုတဲ့ ဆင်ခြင်က အမြဲ ကပ်ပါလာတယ်။ experience မရှိတော့ အလုပ်ရဖို့ ခက်တယ်။ အလုပ်မရတော့ experience မရှိဘူးဆိုပြီး မုန့်လုံး စက္ကူကပ် တဲ့ ပြဿနာ ဖြစ်ကုန်ကော။
အလုပ်ရမှ အတွေ့အကြံုရမယ်လို့ ပြောတာဟာ ချမ်းသာအောင် တန်ခိုးရှင်ကို ထိုင်စောင့်နေသလိုပဲ။ အတွေ့အကြံုဆိုတဲ့စကားကို တွေ့ တဲ့ အခါ ကြံု တဲ့ အခါမှာ တတ်မြောက်လာတာ။ ကိုယ်က တွေ့ဖို့ လိုတယ်။ ကြံုဖို့ လိုတယ်။ ဒါကြောင့် တွေ့ အောင် ကြံုအောင် ကိုယ့်ဘာသာ ကိုယ် ဖန်တီးရတယ်။ အလုပ် ရမှဆိုပြီး ထိုင်စောင့်နေတာဟာ တန်ခိုင်းရှင်ကို ထိုင်စောင့်နေတာနဲ့ အတူတူပဲ။ Working Experience က ပိုကောင်းတာမှန်ပေမယ့် ကိုယ့်ဘာသာကိုယ် လုပ်ထားတဲ့ project တွေကလည်း မတူတဲ့ အတွေ့အကြံုတွေကို ရစေတာပဲ။ နောက်ပြီး ကိုယ့် ဘာသာကိုယ် project သေးသေးလေးတွေ ရေးပြီး interview တွေမှာ ပြလို့ ရတယ်။ ပြောလို့ရတယ်။ လုပ်နိုင်တယ်ဆိုတာကို ပြောလို့ရတယ်။ နောက်ပြီး လုပ်နေတဲ့ project ကနေ သင်ယူစရာတွေ တွေ့လာရမယ်။ အသစ် ထပ်လေ့လာစရာတွေ ၊ ပြဿနာဖြေရှင်းနည်းတွေ တဖြည်းဖြည်းနဲ့ တတ်ကျွမ်းလာတယ်။ သို့ပေမယ့် အကြောင်းပြချက်အမျိုးမျိုးနဲ့ ကိုယ့်ဘာသာကိုယ် project သေးသေးလေးချပြီး မလုပ်ဖြစ်ကြတာ များတယ်။
wordpress theme တစ်ခု ဖန်တီး ဖို့အတွက် wordpress theme တည်ဆောက်ပုံကို သိထားဖို့ လိုအပ်ပါတယ်။ အောက်ကပုံမှာ wordpress theme တစ်ခု တည်ဆောက်ဖို့ ဘာတွေ လိုအပ်သလဲ။ နောက်ပြီး ဘယ် file တွေက ဘာတွေ အတွက်လဲ ဆိုတာကို ရှင်းလင်း ပြထားပါတယ်။ WordPress Theme တစ်ခုလုံးကို ရှင်းလင်း လွယ်ကူစွာ နားလည်သွားစေနိုင်တဲ့ ပုံဆိုလည်း မမှားပါဘူး။
Dropbox ကို Mac မှာ တစ်ခုထက် မက သုံးချင်တာတွေရှိပါတယ်။ သို့ပေမယ့် ပုံမှန် အားဖြင့် dropbox က တစ်ခုတည်းပဲ သုံးလို့ရပါတယ်။ ကျွန်တော် တို့ ဆီမှာ account ၂ ခုရှိတယ်။ တစ်ခုက ရုံးအတွက် တစ်ခုက personal အတွက် ဆိုပြီး ရှိတယ်ဆိုရင် သုံးရတာ အဆင်မပြေတော့ဘူး။ Mac မှာ Dropbox ၂ ခု သုံးချင်တယ်ဆိုရင်တော့ ဒီ file လေးကို download ချလိုက်ပါ။
Continue reading “Run Another Dropbox on Mac”
ကျွန်တော် ရေးလိုက်တဲ့ ချဉ်းကပ်ခြင်း ဆိုတဲ့ post လေးမှာ လက်ရှိ အောင်မြင်နေတဲ့သူတွေရဲ့ အမြင် နောက်ပြီး လက်ရှိ လေ့လာနေတဲ့သူတွေ အမြင် စတာတွေကို ပေါင်းစည်းပြီး တွေ့လိုက်ရတယ်။ သူတို့ ရဲ့ အမြင်တွေက အရမ်းတန်ဖိုးရှိတယ်။ အထူးသဖြင့် လူငယ်တွေရဲ့ အမြင်ကို ဖတ်ခွင့်ရလိုက်တာ ကျွန်တော့်အတွက် တော်တော် တန်ဖိုး ရှိတာပဲ။ ဒါကြောင့် သူတို့ ပြောတဲ့ အမြင်တွေကို ပြန်စုစည်း ပြီး ဒီ post လေး ကို ရေးလိုက်တာပါ။
ကျွန်တော်တို့တွေ သူငယ်တန်းကနေ ၁၀ တန်း ထိ ဖြေဆိုပြီးတဲ့ အခါမှာတော့ ဦးဏှောက်တွေက မသွက်တော့ဘူး။ ပုံစံ ခွက်ထဲ ဝင်သွားပြီ။ အထူးသဖြင့် ကိုယ့်ကိုယ် ယုံကြည်မှုနဲ့ ကြိုးစား အားထုတ်မှုတွေက တော်တော်ကျနေပြီ။ တက္ကသိုလ် ဝင်တန်း အရွယ်တွေက ဘာကို လေ့လာရမလဲဆိုတာကို စလေ့လာရမယ့် ပုံစံ ဖြစ်နေတယ်။ တကယ်တန်းတော့ ၁၀ တန်း ပြီးကတည်းက Computer အခြေခံ ၊ အင်္ဂလိပ်စာ အခြေခံကို တတ်ထားသင့်တယ်။ သို့ပေမယ့် ၁၀ တန်းပြီး နွေရာသီ ကျောင်းပိတ်မှသာ စပြီး Computer သင်တန်း အခြေခံ ၊ အင်္ဂလိပ်စာ အခြေခံကို စတက်ကြတယ်။
ကြိုးစားအားထုတ်မှုဆိုတာ လူတိုင်းမှာ ရှိတာမဟုတ်ဘူး။ အခြေခံ ပညာရေး အဆင့်မကောင်းခဲ့ပေမယ့် လုပ်ချင် ကိုင်ချင်စိတ်ရှိတဲ့ အခါ တုံးသွားတဲ့ ဦးဏှောက်က ပြန်ထက်လာတာပဲ။ ခဏတာ တုံးသွားပေမယ့် တစ်စုံတစ်ခုကို စွဲလမ်း ရှုးသွပ်သွားတဲ့အခါမှာတော့ တစ်ခါမှ သေသေချာချာ အသုံးမပြုခဲ့တဲ့ ဦးဏှောက်ကို ပြန်ပြီး ထက်မြက်လာအောင် ဖန်တီးပေးလိုက်တာပဲ။ သို့ပေမယ့် လူတိုင်းကတော့ စွဲလမ်း ရှုးသွပ်မှုတွေ မရှိကြဘူး။
Continue reading “သူတို့ပြောတဲ့ ချဉ်းကပ်ခြင်း”
Cocos2d iphone 0.99.5 ထွက်ရှိပါပြီ။ 0.995 မှာတော့ iPhone 4 Retina Display support ပါလာပါတယ်။ file.png နဲ့ file-hd.png ဆိုပြီး ထည့်ထားလိုက်ရင် iPhone 4 မှာ file-hd ကို အလိုအလျောက်ခေါ်ယူပေးပါတယ်။ -hd ထည့်လိုက်ရုံနဲ့ HD image ကို သုံးလို့ရပါပြီ။ x,y position တွေ ပြန်ပြင်နေစရာမလိုတဲ့အပြင် ဘာမှလည်း မခက်ခဲပါ။ သာမန်ာ iPhone မှာ @2x လို့ ထည့်ရပေမယ့် cocos2d မှာတော့ -hd ဆိုပြီး အသုံးပြုရပါတယ်။
Continue reading “Cocos-2d iPhone 0.99.5”
ပြီးခဲ့တဲ့ သောကြာနေ့ ကိုရဲမြတ်သူ ဘန်ကောက်ရောက်နေတော့ ကျွန်တော့် ဆီကို ဖုန်းဆက်ပါတယ်။ အဓိကတော့ ပြည်တွင်းကလူတွေ ပြည်ပထွက်ကုန်တဲ့ နောက်ပိုင်းမှာ လူတော်တွေရှားလာတယ်။ Computer နဲ့ အသက်မွေးဝမ်းကြောင်း လုပ်ချင်တဲ့ လူတွေ နည်းလာတယ်။ အဲဒီ အတွက် company တွေ အနေနဲ့လည်း အဆင်မပြေဘူး။ လက်ရှိ ရှိနေတဲ့ human resource တွေ ဘာကြောင့် မတိုးတက်လာတာလဲ။ ဘာကြောင့် ရှားပါးကုန်တာလဲဆိုတာကို အချိန် တစ်နာရီလောက် စကားပြောဖြစ်ခဲ့တယ်။
Generation တစ်ခုပြီး တစ်ခု နိုင်ငံခြားထွက်လာတဲ့ အမျှ မြန်မာနိုင်ငံမှာလည်း Human Resource တွေ တဖြည်းဖြည်း ကျဆင်းလာတယ်။ လက်ရှိ ပြည်တွင်းမှာ ကျန်ရှိတဲ့သူတွေက ရာခိုင်နှုန်းအရ Fresh တွေနဲ့ Begineer တွေ ပိုများလာတယ်။ အများအားဖြင့် သင်တန်းဆင်း တွေ က များလာတယ်။ သင်တန်းဆင်း တော်တော်များများဟာလည်း လက်တွေ့ လုပ်ငန်းခွင် အတွေ့အကြံု အားနည်းသလို တကယ်လိုအပ်တဲ့ project ကြီးတွေမှာ လုပ်ဖို့ကလည်း လုပ်ငန်းရှင်တွေ ကိုယ်တိုင် အာမခံရဲ ဘူးဖြစ်နေတယ်။ ပြီးခဲ့တဲ့ ရတနာပုံ DDoS ပြဿနာတုန်းကဆိုရင် တရုတ်လက်ထဲအပ်ပြီး ခိုင်းရတဲ့ အဆင့်ထိတောင် ဖြစ်သွားတယ်။ နောက်ပြီး ပြည်တွင်းမှာ လုပ်ငန်း Freelance network က အားနည်းနေသေးတာကြောင့်လည်းပါတယ်လို့ ဆိုရမယ်။ အချို့ လုပ်နိုင်တဲ့ လူတွေ ရှိပေမယ့် လက်ရှိ အလုပ်အပ်ချင်တဲ့သူတွေ ရှာဖွေရ ခက်တာတွေလည်း ရှိတယ်။ ရှိပေမယ့် ရှာရခက်နေတယ်။ ရှားနေတယ်လို့လည်း ဆိုရမှာပေါ့။
Json ဆိုတာကတောာ့ avaScript Object Notation ဖြစ်ပြီး အခုနောက်ပိုင်း အသုံးများတဲ့ format ဆိုလည်း မမှားပါဘူး ။ web developer ဆိုရင်လည်း json ကို သိထားသင့်ပြီး iOS developer တွေ အနေနဲ့လည်း apple က plist နဲ့ တူတဲ့ အတွက်ကြောင့် သိထားသင့်ပါတယ်။json ကို JavaScript မှာ လွယ်လွယ်ကူကူ အသုံးပြုနိုင်ပါတယ်။ အခြား ဘာ addon မှ မလိုပဲ အသုံးပြုနိုင်သလို php မှာလည်း ပါပြီးသားပါ။ language တော်တော်များများမှာတော့ JSON ကို ထည့်သွင်းလာပါတယ်။ နောက်ပြီး web api တွေ အများစုကလည်း json ကို အသုံးပြုပါတယ်။ facebook ရဲ့ graph api ဆိုလည်း JSON ပါပဲ။