Tag Archives: tablet

ubuntutablet_feature

QT ကို ပြောင်းတော့မယ့် Ubuntu

Ubuntu 11.10 ကနေ စပြီး Ubuntu က Gtk+ ကနေ QT ကို ပြောင်းသုံးတော့မယ်လို့ ဆိုပါတယ်။ 2011 နှစ်ကုန်ပိုင်းလောက်မှာတော့ Ubuntu 11.10 ထွက်ပါလိမ့်မယ်။ မကြာခင်မှာ ထွက်လာမယ့် Ubuntu 11.04 , Natty Narwhal မှာတော့ Gtk+ ကိုပဲ သုံးစွဲ ထားပါသေးတယ်။ လက်ရှိ အသုံးပြုထားတဲ့ Gnome ကတော့ Gtk+ လိုအပ်ပါတယ်။ ဒါဆို ဘာကြောင့် Qt ကို ပြောင်းတာလဲဆိုတာ မေးခွန်းတစ်ခု ဖြစ်စေပါတယ်။ Qt ကတော့ small-screen interface တွေအတွက် ဖြစ်ပြီးတော့ netbook တွေ mobile တွေအတွက် design ရေးဆွဲထားတာပါ။ Ubuntu ဟာ mobile တွေ netbook တွေ tablet တွေဆီကို ဦးတည်ဖို့အတွက် Qt ကို ပြောင်းတာ ဖြစ်နိုင်ပါတယ်။

Qt

Qt ဆိုတာနဲ့ Nokia ကို ပြေးမြင်ကြမှာ အမှန်ပါပဲ။ Qt ဟာ application framework ပြီးပြီး လက်ရှိ Nokia Symbian နဲ့ Maemo phones တွေမှာ အသုံးပြုနေပါတယ်။ Qt ဟာ cross-platform ဖြစ်ပြီး Windows, Mac နဲ့ Linux တွေမှာ အသုံးပြုနိုင်ပါတယ်။ Developer တွေဟာ Ubuntu 11.10 အတွက် Qt နဲ့ ရေးသားဖို့လိုအပ်လာပြီး desktop , laptop, tablets နဲ့ smartphones တွေမှာ တစ်ခါတည်း run လာနိုင်ပါလိမ့်မယ်။

Mobile

Canonical ဟာ tablets နဲ့ smartphone လောကကို ဝင်လာဖို့ ရှိပါတယ်။ တကယ်လို့ Ubuntu ဟာ smarphone လောကထဲကို နောက်နှစ်ထဲလောက် ဝင်လာမလား လို့ သံသယ ဖြစ်စရာပါပဲ။ လက်ရှိ Tablet တွေ ခေတ်စားလာတာနဲ့ အမျှ Ubuntu ဟာ tablet စျေးကွက်ထဲကို တိုးမဝင်နိုင်သေးပါဘူး။ Ubuntu ဟာ tablet လောကထဲ ဝင်လာခဲ့ရင်တော့ android နဲ့ အပြိုင်ဖြစ်လာပြီး tablet တွေလည်း ပိုမိုများပြားလာဖို့ ရှိပါတယ်။

ဆိုးတာ ကတော့ လက်ရှိ Gtk+ အတွက် ရေးထားတာတွေက Ubuntu 11.10 မှာ အလုပ်လုပ်တော့မှာ မဟုတ်ပါဘူး။ သို့ပေမယ့် Mobile Tablet စျေးကွက်မှာ Apple အတွက် Android အပြင် နောက်ထပ် ပြိုင်ဘက်အနေနဲ့ Ubuntu ပါ ရောက်လာဖွယ်ရှိပါတယ်။

honeycomb-tablet

Motorola Tablet ထုတ်မည်

၂၀၁၁ မှာ motorola က tablet ထုတ်လာဖို့ရှိပါတယ်။ Android 3.0 Honeycomb ကို အသုံးပြုပါလိမ့်မယ်။ သူ့ရဲ့ Tablet Prototype ကိုတော့ Google ကတော့ ထုတ်ပြဖူးခဲ့ပါတယ်။ Mororoal က နောက်လ လာမယ့် CES 2011 မှာ ထုတ်ပြမယ့်သဘောအနေနဲ့ Tease video file ကို မနေ့က ပြသခဲ့ပါတယ်။ အခြား Tablet တွေထက် ဘာပိုထူးခြားမလဲဆိုတာတော့ သေချာမသိရသေးပေမယ့် Android 3.0 မှာ Tablet version အတွက် ပြန်လည်ပြုပြင်ထားမယ်လို့ ခန့်မှန်းရပါတယ်။ Video ကတော့ ဟိုး BC ကတည်းက tablet ပေါ်လာပုံကိုပြထားပြီး လက်ရှိ tablet တွေ အကြောင်းကို ဖော်ပြထားပါတယ်။ သို့ပေမယ့် motorola tablet ကို မဖော်ပြပဲ လျို့ဝှက်ချက်အနေနဲ့ ထားထားပြီး CES 2011 ဆိုပြီး ကြေငြာထားတာလေးပါ။

kno

Kno မနက်ဖြန်စပြီး ဖြန့်ချီတော့မည်

Kno ဆိုတာကတော့ Ubuntu Tablet ပါ။ Ubuntu 9.10 ကို အခြေခံပြီး ကျောင်းသုံးအတွက် ပြန်လည်ပြုပြင်ထားပါတယ်။ text book လို့လည်း ဆိုလို့ရပါတယ်။ မနက်ဖြန် ဖြန့်ချီမယ် ဆိုပေမယ့် pre order မှာထားတဲ့သူတွေကို အရင်ဆုံး shipping လုပ်မှာပါ။ အခြားလူတွေ အနေနဲ့ကတော့ january လ အလယ်လောက်မှ အမှန်တကယ် ဝယ်ယူလို့ရပါမယ်။ သူ့ရဲ့ အဓိက market target ကတော့ ကျောင်းသားတွေ ဖြစ်တဲ့အတွက် ရုံးသမားတွေ အတွက် သိပ်ပြီး အသုံးမဝင်သလို စျေးလည်း များလွန်းနေပါမယ်။

dual screen ဖြစ်ပြီး ၁၄.၁ လက်မ ရှိပါတယ်။ အလေးချိန်ကတော့ ၅ ပေါင်ခွဲ ရှိပါတယ်။ ကြီးတယ် လေးတယ်လို့ ထင်သလား။ တကယ်လို့ လက်ရှိ ကျောင်းမှာ သယ်နေရတဲ့ text book တွေ exercise book တွေ အားလုံးပေါင်းရင် ၁၀ ပေါင်ကျော်လောက် ရှိပါတယ်။ Kno က ကျောင်းသား တစ်ယောက်ရဲ့ လိုအပ်ချက်အားလုံးကို တစ်ခုတည်းနဲ့တင် ဖြည့်စွက်ပေးလိုက်တာပါ။ နောက်ပြီး High Resolution ဖြစ်တဲ့အတွက်ကြောင့် ၁၄.၁ လက်မ ဟာ သင့်တော်တယ်လို့ သတ်မှတ်လည်း ရပါတယ်။ သို့ပေမယ့် မြန်မာနိုင်ငံက text book တွေ ပါဝင်လာခြင်း မရှိတဲ့အတွက်ကြောင့် မြန်မာပြည်အတွက် အသုံးမကျလှပါဘူး။
Continue reading